وائٹ ہاؤس: وزیراعظم شہباز شریف اور امریکی صدر ڈونلڈ ٹرمپ کی ملاقات ختم

وزیراعظم شہباز شریف اور امریکی صدر ڈونلڈ ٹرمپ کی وائٹ ہاؤس میں ملاقات ہوئی ، فیلڈ مارشل عاصم منیر بھی وزیراعظم کے ہمراہ موجود تھے۔

اوول آفس میں وزیراعظم اور فیلڈ مارشل کی امریکی صدر سے ملاقات ایک گھنٹہ 20 منٹ سے زائد جاری رہی۔

ملاقات شروع ہونے سے قبل امریکی صدر نے وائٹ ہاؤس میں گفتگو کرتے ہوئے وزیراعظم اور فیلڈ مارشل کو عظیم رہنما قرار دیا تھا۔

ڈونلڈ ٹرمپ نے کہا تھا  فیلڈ مارشل عاصم منیر  بہترین شخصیت کے مالک ہیں، امریکی صدر کا کہنا تھا کہ وزیراعظم پاکستان بھی شاندار شخص ہیں۔

وزیرِ اعظم محمد شہباز شریف کا دورہءِ امریکہ

وزیر اعظم محمد شہباز شریف پاکستانی وفد کے ہمراہ امریکی صدر ڈونلڈ ٹرمپ سے ملاقات کیلئے واشنگٹن ڈی سی پہنچ گئے.

اینڈریوز ایئر بیس پہنچنے پر وزیرِ اعظم کا ریڈ کارپٹ پر امریکی ایئر فورس کے اعلی عہدیدار نے استقبال کیا. وزیرِ اعظم کا… pic.twitter.com/KPAuwGlx07

— PTV News (@PTVNewsOfficial) September 25, 2025

اس سے پہلے وزیراعظم شہباز شریف نے کہا تھا کہ غزہ میں جنگ بندی سے متعلق صدر ٹرمپ سے مسلم رہنماؤں کی ملاقات مفید رہی، اب اگلا مرحلہ طے کیے گئے نکات پر عمل درآمد کا ہے۔

انہوں نے نیویارک میں صحافیوں سے گفتگو کے دوران کہاکہ معرکہ حق میں پاکستانی افواج نے ہندوستان کو شکستِ فاش دی ، فیلڈ مارشل عاصم منیر نے دنیا کو دکھایا کہ کس طرح جنگیں لڑی جاتی ہیں۔

نیویارک میں وزیراعظم شہباز شریف سے بنگلا دیش کے چیف ایڈوائزر  پروفیسر محمد یونس کی ملاقات ہوئی، اس دوران وزیراعظم نے باہمی اعتماد اور  علاقائی تعاون و  ترقی پر  مبنی تعلقات مزید مضبوط کرنے کا عزم دُہرایا۔