سینیٹ اور قومی اسمبلی میں اپوزیشن لیڈر کون ہو گا ؟ پی ٹی آئی نے ناموں پر اتفاق کر لیا 

اسلام آباد: پاکستان تحریک انصاف (پی ٹی آئی) کی جانب سے سینیٹ اور قومی اسمبلی میں اپوزیشن لیڈر کے عہدے کے لیے نام اسپیکر آفس کو آج بھیجے جائیں گے۔

تفصیلات کے مطابق پارٹی ذرائع کا کہنا ہے کہ پی ٹی آئی کی جانب سے محمود خان اچکزئی اور علامہ راجہ ناصر عباس کو اپوزیشن لیڈر نامزد کیا گیا تھا، دونوں رہنماؤں کے ناموں پر پارٹی میں اختلافات چل رہے تھے۔

اس سے قبل پارٹی کے بیشتر اراکین نے ان ناموں پر تحفظات کا اظہار کیا تھا، تاہم بانی چئیرمین عمران خان کی ہدایت کے بعد دونوں رہنماؤں کے ناموں پر اتفاق ہوگیا۔

پارٹی ذرائع کے مطابق محمود خان اچکزائی اپوزیشن لیڈر قومی اسمبلی کے لئے اور علامہ راجہ ناصر عباس اپوزیشن لیڈر سینیٹ کے لیے نامزد کردیے گئے۔

ذرائع کے مطابق تمام پی ٹی آئی ایم این ایز دونوں رہنمائوں کے ناموں کی بابطہ منظوری دیں گے۔