جنوبی افریقہ کی ٹیسٹ کرکٹ ٹیم کے کھلاڑی لاہور پہنچ گئے

جنوبی افریقہ کی ٹیسٹ کرکٹ ٹیم کے کھلاڑیوں کا پہلا گروپ لاہور پہنچ گیا۔ ٹیم کا دوسرا گروپ چند گھنٹے بعد لاہور  پہنچے گا۔

لاہور کے علامہ اقبال انٹرنیشنل ائیرپورٹ پہنچنے پر  اسکواڈ کو سخت سکیورٹی  میں ہوٹل پہنچایا گیا۔

🛬 South Africa Test squad arrives in Lahore for the two-match series against Pakistan, starting 12 October 🏏#PAKvSA pic.twitter.com/fb60FNFvQN

— Pakistan Cricket (@TheRealPCB) October 7, 2025

پاکستان اور ساؤتھ افریقہ کے درمیان 2 ٹیسٹ میچز کھیلےجائیں گے۔ پہلا ٹیسٹ 12 سے 16 اکتوبر تک قذافی اسٹیڈیم لاہور میں کھیلا جائے گا جبکہ دوسرا ٹیسٹ 20 سے 24 اکتوبر تک راولپنڈی کرکٹ اسٹیڈیم میں شیڈول ہے۔

جنوبی افریقہ آئی سی سی ورلڈ ٹیسٹ چیمپئن شپ 25-2023 کا فاتح ہے۔

یاد رہے کہ جنوبی افریقا کے خلاف ہونے والی ٹیسٹ سیریز کے لیے پاکستان ٹیسٹ اسکواڈ کو مختصر کیا گیا ہے۔

میڈیا رپورٹس کے مطابق فاسٹ بولر عامر جمال اور اسپنر فیصل اکرم کو اسکواڈ سے ریلیز کر دیا گیا ہے جس کے بعد قومی ٹیم کے اسکواڈ میں شامل کھلاڑیوں کی تعداد 18 سے کم کرکے 16 کردی گئی ہے۔