ایشین کپ کوالیفائر: پاکستان اور افغانستان کے درمیان مقابلہ بغیر کسی گول کے برابر

اے ایف سی ایشین کپ 2027 کے کوالیفائنگ راؤنڈ میں پاکستان اور افغانستان کا میچ بغیر کسی گول کے ڈرا ہو گیا۔ یہ میچ اسلام آباد میں کھیلا گیا۔

پہلے ہاف میں دونوں ٹیموں نے محتاط انداز میں کھیل پیش کیا اور کوئی بھی ٹیم گول کرنے میں کامیاب نہ ہو سکی۔ دوسرے ہاف کے دوران پاکستان کو پنالٹی کا ایک سنہری موقع ملا، لیکن اوٹس خان اس موقع سے فائدہ نہ اٹھا سکے اور ٹیم کو برتری نہ دلا سکے۔

کھیل کے آخری لمحات میں دونوں ٹیموں نے جیت کے لیے کوششیں تیز کر دیں، لیکن مضبوط دفاع کے باعث کوئی بھی ٹیم گول نہ کر سکی اور میچ بغیر کسی نتیجے کے اختتام پذیر ہوا۔

میچ کے دوران گورنر خیبر پختونخوا فیصل کریم کنڈی بھی اسٹیڈیم میں موجود تھے اور انہوں نے قومی ٹیم کا حوصلہ بڑھایا۔

واضح رہے کہ پاکستان اور افغانستان کے درمیان جوابی (اوے) میچ 14 اکتوبر کو کویت میں کھیلا جائے گا۔