لاہور کے تمام سرکاری و نجی اسکولوں میں فوری طور پر چھٹی کا اعلان

لاہور میں تمام سرکاری و نجی اسکولوں میں فوری طور پر چھٹی دے دی گئی.

سی ای او ایجوکیشن لاہور کے مطابق اسکولوں کی جانب سے والدین کو آگاہ کیا جارہا ہے، راستوں کی بندش کی وجہ سے چھٹی دی گئی ہے۔ اس سے قبل راولپنڈی کے بیشتر نجی تعلیمی اداروں میں چھٹی بھی دے دی گئی تھی۔

دوسری جانب مذہبی جماعت نے اسلام آباد کی جانب مارچ کا اعلان کر رکھا ہے جس کے پیشِ نظر سکیورٹی انتظامات سخت کرتے ہوئے داخلی راستوں پر کنٹینر لگا دیئے گئے ہیں جس کے باعث شہریوں کو آمدورفت میں شدید مسائل کا سامنا کرنا پڑ رہا ہے۔

اس کے علاوہ موبائل ڈیٹا سروس بھی متاثر ہونے کے سبب شہریوں کو انٹرنیٹ کے استعمال میں مسائل کا سامنا ہے۔