ٹرمپ کے جوہری تنصیبات تباہ کرنے کے دعوے محض خواب ہیں، ایرانی سپریم لیڈر کا ردعمل

تہران: ایرانی سپریم لیڈر آیت اللہ علی خامنہ ای نے کہا ہے کہ  امریکی صدر ڈونلڈ ٹرمپ کے دعوی پر رد عمل دیتے ہوئے کہا کہ ایران کی جوہری تنصبیات کو تباہ کرنا ٹرمپ کا محض ایک خواب کے علاوہ کچھ نہیں۔

ایرانی میڈیا رہورٹس کے مطابق سپریم خامنہ ای نے کہا کہ ایران کی جوہری صنعت پہلے سے زیادہ مضبوط اورجدید ہو چکی ہے، دشمن کے ایسے دعوے ہماری کامیابیوں کا ثبوت ہیں۔

انہوں نے کہا کہ امریکا کی تمام سازشیں ناکام ہوئیں، ایران نے جوہری ٹیکنالوجی میں خودکفالت حاصل کرلی ہے اورعالمی دباؤ کے باوجود اپنے منصوبوں پرعمل جاری رکھے گا۔

سربراہِ انقلابِ اسلامی نے کہا کہ ایران کا دفاع ناقابلِ تسخیر ہے، کوئی طاقت اسے جھکا نہیں سکتی، ٹرمپ جیسے افراد کے دعوے ایرانی عوام کے حوصلے پست نہیں کر سکتے بلکہ قوم کو مزید متحد کرتے ہیں۔

ایرانی میڈیا کے مطابق سپریم لیڈر کے بیان کے بعد عوامی سطح پر جوہری سائنسدانوں اور ماہرین کی کارکردگی کو سراہنے کی مہم بھی شروع ہو گئی ہے جو ایران کی سائنسی ترقی پراعتماد کا مظہر ہے۔

یہ بیان ایک ایسے وقت میں سامنے آیا ہے جب جوہری پروگرام اور مشرق وسطیٰ کے استحکام پر امریکہ اور ایران کے درمیان تناؤ مسلسل بڑھ رہا ہے۔

خامنہ ای نے ایرانی نوجوانوں اور سائنسدانوں کی کامیابیوں کی تعریف کرتے ہوئے کہا کہ ان کامیابیوں سے ایرانی عوام میں فخر اور مسرت پیدا ہوئی ہے۔ خامنہ ای نے کہا کہ ایران کے “تمغے جیتنے والوں نے خواہ وہ کھیلوں میں ہوں یا سائنسی میدانوں میں، لوگوں کے لیے خوشی کا باعث بنے ہیں۔