بھارتی فلم انڈسٹری کے لیجنڈری اداکار اسرانی 84 سال کی عمر میں انتقال کر گئے

ممبئی: بھارت کے معروف لیجنڈری اداکار اسرانی 84 سال کی عمر میں انتقال کر گئے۔

بھارتی میڈیا کے مطابق ہندی سنیما کے ورسٹائل اداکار شری گووردھن اسرانی طویل علالت کے بعد ممبئی میں چل بسے۔اداکار کے بھتیجے نے ان کی وفات کی تصدیق کی ہے ۔

 

 

 

 

 

View this post on Instagram

 

 

 

 

 

 

 

 

 

 

 

A post shared by India Today (@indiatoday)

5 دہائیوں پرمحیط اپنے شاندار کیریئر میں اسرانی نے ہندی فلم انڈسٹری کو بے شمار یادگار کردار دیئے اور ناظرین کے دلوں میں ایک خاص مقام بنایا۔اسرانی کا فلمی سفر 50  برس سے زائد رہا اور انہوں نے 350 سے زیادہ فلموں میں اداکاری کی۔ انہوں نے مزاحیہ اور معاون کرداروں کے ذریعے بھارتی سنیما میں ایک مضبوط شناخت قائم کی۔

1970 کی دہائی  اسرانی کے کیریئر کا سنہری دور ثابت ہوئی، جب وہ سب سے زیادہ مقبول اور قابلِ اعتماد کریکٹر ایکٹرز میں شمار ہونے لگے۔ وہ میرے اپنے، کوشش، باورچی، پریچے، ابھی مان، چپکے چپکے، چھوٹی سی بات، رفو چکر اور شعلے جیسی مشہور فلموں میں جلوہ گر ہوئے۔فلم شعلے میں جیل وارڈن کا ان کا کردار آج بھی ناظرین کے ذہنوں میں تازہ ہے۔

اس کے علاوہ فلم دھمال، بھول بھلیا اور بنٹی اور ببلی 2 میں بھی انہوں نے اپنی اداکاری سے شہرت حاصل کی۔ اسرانی نے اپنی کامک ٹائمنگ اور منفرد ڈائیلاگ ڈلیوری کے ذریعے خود کو ایک بے مثال فنکار کے طور پر منوایا۔

اسرانی کے انتقال کی خبر سامنے آنے کے بعد شوبز انڈسٹری کی جانب سے گہرے دکھ کا اظہار کیا جارہاہے۔