ٹرائی سیریز: سری لنکا نے پاکستان کو جیت کیلئے 129رنز کا ہدف دے دیا

راولپنڈی: سہ ملکی سیریز کے تیسرے میچ  میں سری لنکا نے پہلے بلے بازی کرتے ہوئے میزبان پاکستان کو جیت کیلئے 129رنز کا ہدف دے دیا۔

تفصیلات کے مطابق سری لنکا کی ٹیم نے پہلے کھیلتے ہوئے مقررہ 20اوورز  میں 7 وکٹوں کے نقصان پر 128 رنز بنائے۔

سری لنکا کی جانب سے جنیت لیانج 41رنز بنا کر ٹاپ سکورر رہے،جبکہ کوشال پریرا نے 25، کامل مشرا نے 22،پتھم نسانکا نے 17، وینندو ہسارنگا نے 11،کوشل مینڈس اور کامیندو مینڈس نے 3،3رنز بنائے۔

پاکستان کی جانب سے محمد نواز  نے تین کھلاڑیوں کو  آؤٹ کیا،جبکہ سلمان مرزا، فہیم اشرف اور ابرار احمد  نے ایک ایک  وکٹ حاصل کی۔

ٹاس کے موقع پر قومی ٹیم کے کپتان سلمان علی آغا نے کہا ہے کہ قومی ٹیم میں ایک تبدیلی کی گئی ہے، شاہین آفریدی آج میچ کا حصہ نہیں ہوں گے، اُن کی جگہ وسیم جونیئر کو شامل کیا گیا ہے۔

سلمان علی آغا کا مزید کہنا  تھا کہ تمام کھلاڑی مکمل فارم میں ہیں ،کوشش کریں گے کہ حریف ٹیم کو کم ازکم ہدف پر آؤٹ کریں۔

دوسری جانب سری لنکا کے کپتان کا کہنا تھا کہ وکٹ بیٹنگ کے لیے اچھی ہے، ہم مخالف ٹیم کو بڑا ہدف دینے کی کوشش کریں گے۔

خیال رہے کہ سری لنکا کو  اپنے پہلے میچ  زمبابوے کے ہاتھوں 67 رنز سے شکست کا سامنا کرنا پڑا تھا جب کہ پاکستان نے اپنے پہلے میچ میں زمبابوے کو 5 وکٹوں سے شکست دی تھی۔