پاکستان اور جنوبی افریقہ مابین فیصلہ کن میچ آج ہوگا

تفصیلات کے مطابق جنوبی افریقہ نے گزشتہ روز پاکستان کے خلاف دوسرا ٹی ٹو ئنٹی میچ جیت کر سیریز میں کم بیک کیا اور سیزیز 1-1 سے برابر ہوگئی ۔ تاہم دونو ں ٹیموں کے مابین آخری اور فیصلہ کن معرکہ آج کھیلا جائے گا، دونوں ٹیمیں سیریز میں فتح کے لیے پر عزم ہیں۔ پاکستان کرکٹ ٹیم کے فاسٹ بالر شاہین شاہ آفریدی کا کہنا ہے کہ تیسرے میچ میں اچھا پرفارم کر کے کم بیک کریں گے۔دوسرے ٹی 20 میں جنوبی افریقا سے 6 وکٹ سے شکست کے بعد میڈیا سے گفتگو میں شاہین شاہ آفریدی نے کہا کہ ہماری ٹیم پہلا میچ اچھا کھیلی۔

دوسری جانب اعداد و شمار کے مطابق ٹی ٹوئنٹی میں جنوبی افریقہ کا پاکستان کے خلاف پلڑا بھاری ہے۔ دونوں ٹیموں کے درمیان 16 میچز کھیلے گئے ہیں جن میں سے  9 میں جنوبی افریقہ کامیاب رہی ہے جب کہ 7 میں پاکستان کو کامیابی ملی ہے۔واضح رہے کہ ٹی ٹوئنٹی سیریز سے قبل پاکستان نے جنوبی افریقا کے خلاف کراچی ٹیسٹ 7 وکٹ اور پنڈی ٹیسٹ 95 رنز سے جیت کر مہمان ٹیم کو کلین سوئپ شکست دی تھی۔