رواں سال کی پہلی انسداد پولیو مہم 2 فروری کو شروع ہوگی

اسلا م آباد: ملک بھر میں سال کی پہلی انسداد پولیو مہم 2 تا 8 فروری چلائی جائے گی۔

نیشنل ای او سی( نیشنل ایمرجسنی آپریشن سینٹر) کے مطابق پولیو مہم کے دوران 4 کروڑ 50 لاکھ سے زائد بچوں کو پولیو سے بچاؤ کے قطرے پلائے جائیں گے، سات روزہ قومی مہم کے دوران میں 4 لاکھ سے زائد پولیو ورکرز اپنے فرائض انجام دیں گے۔

نیشنل ای او سی کے مطابق پنجاب میں 2 کروڑ 30 لاکھ سے زائد بچوں کو پولیوسے بچاو کے قطرے پلائے جائیں گے، سندھ میں 1 کروڑ 6 لاکھ سے زائد بچوں کو پولیوسے بچاو کے قطرے پلائے جائیں گے۔

اسی طرح خیبر پختونخوا میں 72 لاکھ سے زائد بچوں کو پولیوسے بچاو کے قطرے پلائے جائیں گے،جبکہ بلوچستان میں 26 لاکھ سے زائد بچوں کو پولیوسے بچاو کے قطرے پلائے جائیں گے۔

مہم کے دوران ا سلام آباد میں 4 لاکھ 60 ہزار سے زائد بچوں کو پولیوسے بچاو کے قطرے پلائے جائیں گے، گلگت بلتستان میں 2 لاکھ 28 ہزار سے زائد بچوں کو پولیوسے بچاو کے قطرے پلائے جائیں گے۔

نیشنل ای او سی کے مطابق آزاد جموں و کشمیر میں 7 لاکھ 60 ہزار سے زائد بچوں کو پولیوسے بچاو کے قطرے پلائے جائیں گے۔