گلوکارسانول عیسی خیلوی نے اپنے والد عطاء اللہ کیساتھ 70 کی دہائی کا مشہور گیت بے وفا ریلیز کردیا

گلوکار سانول عیسی خیلوی کا مداحوں کے لیے نئے سال کا تحفہ، اپنے والد عطاء اللہ عیسیٰ خیلوی کیساتھ 70 کی دہائی کا مشہور گیت بے وفا ریلیز کردیا۔ 

ویب ڈیسک:پاکستانی موسیقی کے لیجنڈ گلوکار عطاء اللہ عیسیٰ خیلوی اور ان کے صاحبزادے، نوجوان گلوکار سانول عیسیٰ خیلوی نے ماضی کے مقبول گیت ’’بے وفا‘‘ کو ایک نئے انداز میں ریلیز کر کے شائقینِ موسیقی کو سال نو کا خوشگوار سرپرائز دے دیا ہے۔

گانے ’’بے وفا‘‘ کے لیرکس اردو اور سرائیکی زبان میں ہیں، جبکہ اس  کی کو پروڈکشن اور لیرکس میں "Unknownish Artist" کا کردار بھی قابل غور ہے۔ جن کی طرف سے گانے کی کو پروڈکشن اور لیرکس رائٹنگ کی گئی ہے۔

یہ گیت 70 کی دہائی میں ریلیز کیا گیا تھا جو عطاء اللہ عیسیٰ خیلوی کی پہچان سمجھا جاتا ہے، جسے اب سانول عیسیٰ نے اپنے والد کے ساتھ مل کر جدید موسیقی اور نئے ویژول ٹریٹمنٹ کے ساتھ پیش کیا ہے۔

گیت میں کلاسک درد، جذبات اور سادگی کو برقرار رکھتے ہوئے ماضی کو حال سے جوڑنے کی کوشش کی گئی ہے،جبکہ مداح اسے دو نسلوں کی خوبصورت موسیقی کا حسین امتزاج  قرار دے رہے ہیں۔ 

اس موقع پرسانول عیسیٰ کا کہنا ہے کہ اپنے والد کے ساتھ یہ گیت گانا میرے لیے اعزاز کی بات ہے، یہ صرف ایک گیت نہیں بلکہ ہماری موسیقی کی وراثت ہے، گیت نہ صرف پرانے مداحوں کے لیے یادوں کی تازگی ہے بلکہ نئی نسل کے لیے کلاسک پاکستانی موسیقی سے جڑنے کا ایک خوبصورت موقع بھی ہے"