معروف ہدایتکارہ سنگیتا کی عظمیٰ بخاری سے ملاقات ،انڈسٹری کیلئے حکومتی گرانٹ پرشکریہ ادا کیا

لاہور: وزیر اطلاعات و ثقافت پنجاب عظمیٰ بخاری سے معروف اداکارہ ہدایتکارہ سنگیتا نے ملاقات کی،، ہدایتکارہ سنگیتا نے فلم انڈسٹری کیلئے پنجاب حکومت کی جانب سے ملنے والی گرانٹ پر شکریہ ادا کیا۔

اس موقع پرکہا کہ وزیراعلیٰ پنجاب مریم نواز کی کاوشوں سے انڈسٹری کی بحالی کیلئے کوششیں کی جا رہی ہیں،، اس سے قبل ایسے اقدامات نہیں کیے گئے۔

ملاقات میں سیکرٹری ثقافت سید طاہر رضا ہمدانی بھی موجود تھے۔ واضح رہے وزیراعلیٰ پنجاب مریم نواز کے احکامات کے بعد پنجاب حکومت کی جانب سے فلم ڈائریکٹرز پروڈیوسرز میں فنڈز تقسیم کیے گئے۔

اس موقع پر ہدایتکارہ سنگیتا نے جی این این سے خصوصی  گفتگو کرتے ہوئے  کہا کہ اسی سال میں میری فلم مکمل ہو گی جو بڑے بجٹ کی پنجابی فلم ہو گی ۔ اس فلم میں سٹار کاسٹ پردہ اسکرین پر دکھائی دے گی۔