گلوکارہ نصیبو لال  نغمہ نگار الطاف باجوہ مرحوم  کے اہل خانہ سے تعزیت کرنے ان گھر پہنچ گئیں

لاہور:گلوکارہ نصیبو لال  نغمہ نگار الطاف باجوہ مرحوم  کے اہل خانہ سے تعزیت کرنے ان گھر پہنچ گئیں۔

نصیبو لال اور ان کے شوہر نوید حسین نے الطاف باجوہ کے بیٹے گل باز سے اظہار تعزیت کیا اور الطاف باجوہ کے ایصال ثواب کے لئے فاتحہ خوانی کی۔

اس موقع پر نصیبو لال الطاف باجوہ کو یاد کرکے پھوٹ پھوٹ  کر روتی رہیں۔ گلوکارہ نصیبو لال نے کہا کہ الطاف باجوہ میرے بھائی تھے۔ان کے انتقال سے میرا اور  فلم انڈسٹری کا بڑا نقصان ہوا ہے۔

نصبو لال نے مزید کہا کہ الطاف باجوہ نایاب ہیرا تھے،وہ فلم انڈسٹری کا سرمایہ تھے،الطاف باجوہ نے میرا بڑا ساتھ دیا اور خیال رکھا۔ان کے جانے سے  میری تو دنیا ہی اجڑ گئی۔ اللہ تعالیٰ ان کو اپنے جوار رحمت میں جگہ دے آمین ۔

خیال رہے کہ معروف نغمہ نگار الطاف باجوہ مرحوم کے دسواں کا ختم پانچ اپریل کو ان کی رہائش گاہ پر ہوگا جس میں علاقہ مکین اور شوبز سے تعلق رکھنے والی شخصیات شریک ہونگی۔