پنجاب آرٹس کونسل کا ثقافتی اقدام، 21 اپریل کو باغِ جناح میں فیملی اسٹیج ڈرامہ پیش ہوگا

پنجاب آرٹس کونسل کے زیر اہتمام 21 اپریل کو باغ جناح اوپن ائیر تھیٹر میں علامہ اقبال ڈے کے حوالے سے فیملی اور اصلاحی ڈرامہ پیش کیا جائے گا۔

تفصیلات کے مطابق اس موقع پر میڈیا سے گفتگو کرتے ہوئے ایگزیکٹو ڈائریکٹر پنجاب آرٹس کونسل محبوب عالم چوہدری کا کہنا تھا کہ وزیر اعلیٰ مریم نواز شریف کے ویژن کے مطابق اور وزیر اطلاعات و نشریات عظمیٰ بخاری کی ہدایات کے مطابق پکار نے ہمیشہ کلچر اور روایات کے فروغ کے لیے کام کیا ہے اسی حوالے سے اکیس اپریل کو باغ جناح میں ایک فیملی کھیل پیش کیا جائے گا۔

میڈیا سے گفتگو میں انہوں نے مزید کہا کہ اس حوالے سے نامور ڈرامہ ڈائریکٹر و رائیٹر گوشی خان کو ذمہ داریاں سونپ دی گئی ہیں، گوشی خان اس سے پہلے بھی بہت خوبصورت فیملی کھیل پیش کر چکے ہیں۔