پنجاب آرٹس کونسل کے زیر اہتمام باغِ جناح اوپن ایئر تھیٹر میں فیملی ڈرامہ "چاند کب نکلے گا" پیش

لاہور: پنجاب آرٹس کونسل کے ایگزیکٹو ڈائریکٹر محبوب عالم چوہدری کی کاوش سے باغِ جناح اوپن ایئر تھیٹر میں فیملی ڈرامہ "چاند کب نکلے گا" پیش کیا گیا۔ جس میں فیملیز نے بھر پور شرکت کرکے فنکاروں کو خوب داد دی۔ڈرامہ رقص کے بغیر پیش کیا گیا۔جس کو فیملیز نے سراہا۔

ڈرامہ کے ہدایتکار اور مصنف گوشی خان نے چاند کب نکلے گا  میں سماجی رویوں اور معاشرتی تضادات کو طنز و مزاح کے انداز میں  خوبصورت انداز میں پیش کیا۔مضبوط اسکرپٹ،جاندار مکالمے اور فنکاروں کی شاندار اداکاری نے ناظرین کو خوب محظوظ کیا۔

گوشی خان نے ہمیشہ کوشش کی ہے کہ وہ معیاری اور اصلاحی ڈرامہ پیش کریں جس میں وہ کامیاب بھی ہوئے ہیں ۔اس ڈرامہ میں فی میل آرٹسٹوں نے اسکرپٹ کے مطابق اپنا اپنا کردار ادا کیا۔ڈرامہ میں کوئی  رقص نہیں تھا۔
اداکار جواد وسیم،حسن مراد ،اعجاز بیلی،سونیاچوہدری اورجیاصدیقی سمیت تمام فنکاروں کی زبردست اداکاری تھی۔

ڈرامہ کی کاسٹ میں سینئر اداکار جواد وسیم،اداکار حسن مراد،ظفر ارشاد، یوسف انجم،توقیر زیدی،بابر عباس، حسنین حیدر، اعجاز بیلی ،ہما علی، ایشا منی،سونیا چوہدری،سعدیہ شیخ، جیا صدیقی اور دیگر شامل تھے۔ 

اس موقع پر میڈیا سے گفتگو کرتے ہوئے ڈائریکٹر آپریشنز پکار مغیث بن عزیز نے کہا کہ گوشی خان اور ان کی ٹیم نے اچھا فیملی ڈرامہ پیش کیا۔پنجاب آرٹس کونسل نے ہمیشہ تھیٹر کے فروغ اور مثبت معاشرتی کردار پر زور دیا ہے۔

مغیث بن عزیز نے کہا کہ پنجاب آرٹس کونسل نے معیاری تھیٹر، فنکاروں کو پلیٹ فارم اور صحت مند تفریح کی فراہمی کا عزم کیا ہوا ہے۔

 انہوں نے مزید کہا کہ ڈرامہ چاند کب نکلے گا کی خاص بات فوک گلوکار عمران شوکت علی اور انمول فاطمہ کی گائیکی تھی جس کو خوب پسند کیا گیا۔پراجیکٹ ہیڈ  محمد سلمان ہیں۔ڈرامہ چاند کب نکلے گا 25 اور 26 اپریل کو بھی باغِ جناح اوپن ایئر تھیٹر میں جاری رہے گا۔