آئی جی خیبرپختونخوا کورونا کا شکار ہوگئے

تفصیلات کے مطابق  آئی جی خیبر پختونخوا معظم جاہ کا کورونا ٹیسٹ مثبت آگیا ہے،  طبیعت ناسازی پر آئی جی نے کورونا ٹیسٹ کروایا تھا ۔

آئی جی خیبر پختونخوا معظم جاہ نے  خود کو گھر پر قرنطینہ کر لیا  ہے،آئی جی نے  عوام سے دعاﺅں کی اپیل ہے ۔آئی جی خیبر پختونخوا نے کہا ہے کہ  شہری ماسک کا استعمال اور ایس او پیز پر عمل درآمد کریں ۔

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے مزید40فراد چل بسے ۔ ملک میں  اموات کی مجموعی تعداد23 ہزار462ہوگئی ہے،جبکہ  متاثرہ افراد کی مجموعی تعداد 10لاکھ39ہزار695ہوگئی ہے ۔

خیال رہے کہ  خیبرپختون خوا میں کورونا وائرس سے متاثرہ مریضوں کی تعدادایک لاکھ 44ہزار848ہوچکی ہے ۔ صوبے میں 4468افراد چل بسے ہیں ۔؛