نامور شاعر ایس ایم صادق کو گراں قدر ادبی خدمات پر صدارتی اعزاز سے نواز دیا گیا

ملک کے نامور شاعر ایس ایم صادق کو ان کی گراں قدر خدمات کے اعتراف میں حکومت پاکستان نے تمغہ برائے حسن کارکردگی عطا کیا ہے۔

تفصیلات  کے مطابق گورنر ہاؤس لاہور میں سرکاری تقریب میں سول اعزازات دینے کی تقریب منعقد کی گئی گورنر پنجاب سردار سلیم حیدر نے شاعر ایس ایم صادق کو ان کی فنی خدمات کے اعتراف میں تمغہ برائے حسن کارکردگی سے نوازا ۔

شاعر ایس ایم صادق نے اپنے پچاس سالہ فنی کیرئیر میں ستر ہزار سے زائد گیت، قوالیاں اور نعتیہ کلام لکھے ہیں۔ان کی شاعری کو پاکستان اور ہمسایہ ملک کے گلوکاروں نے بھی گایا ہے۔

ایس ایم صادق کو شوبز حلقوں کی جانب سے یہ اعزاز ملنے پر مبارکباد دی جارہی ہیں۔فوک گلوکار عارف لوہار نے ایس ایم صادق کو اعزاز ملنے پر پھول پیش کئے اور مبارک باد دی۔