ریڈ لائن کی شوٹنگ کا آغاز، ستارے سیٹ پر پہنچ گئے

عبدالسلام علی سے

لاہور: شیخوپورہ کی تحصیل فاروق آباد میں شوٹنگ کے پہلے روز فلم کی کاسٹ کا والہانہ استقبال کیا گیا پہلے روز شوٹنگ سیٹ پر لیجنڈ اداکار مصطفیٰ قریشی، اداکارہ نشو، راحیلہ آغا، غلام محی الدین، عون علی ، جاوید رضا اور دیگر ستارے شریک ہوئے۔

اداکار مصطفیٰ قریشی نے شوٹنگ کا افتتاح کیا اس موقع پر اداکار غلام محی الدین نے کہا کہ فلم دور جدید کے تقاضوں نئے چہروں کے ساتھ بنائی جارہی ہے پنجاب حکومت کے مشکور ہیں جنہوں نے فلم فنڈز دئیے اور انڈسٹری کی بحالی کا بیڑہ اٹھایا مزید کہا کہ کہانی ناصر ادیب نے لکھی ہے۔

فلم ریڈ لائن کے پروڈیوسر اور ڈائریکٹر غلام محی الدین ہیں جبکہ نمایاں کاسٹ میں اداکار مصطفیٰ قریشی، اداکارہ نشو، راحیلہ آغا، عون علی ،نواز خان اور دیگر شامل ہیں۔