کراچی میں انٹرکے ملتوی پرچوں کی نئی تاریخوں کا اعلان ہوگیا

چیئرمین انٹر بورڈ ڈاکٹر سعید کے  مطابق پرچے سابقہ شیڈول کے امتحانی مراکز پر ہی لیے جائیں گے۔

چیئرمین انٹر بورڈکا کہنا ہےکہ 10 اگست کو بوٹنی،11 اگست کو زولوجی کا پرچہ ہوگا  اور 12 اگست کو اکنامکس کا پرچہ لیا جائےگا۔اس کے علاوہ ان کا کہناتھا کہ  11ویں جماعت اور امپروومنٹ پرچوں کی نئی تاریخوں کا اعلان بعد میں کیاجائےگا۔

وزیر تعلیم سندھ سردار شاہ آج پریس کانفرنس میں کہا تھا کہ جو امتحانات رکے ہوئے ہیں ان کو 10 اگست سے کیا جائے گا، جبکہ اسکول ، کالجز اور جامعات کا آئندہ کلینڈر بیٹھ کر بنائیں گے ۔

ان کا مزید کہنا  تھا کہ  19 اگست تک اسکولوں کو بند رکھیں گے ، 7 محرم سے جلوس کی وجہ سے راستے بند ہوجاتے ہیں، محرم میں کورونا سے بچاؤ کے لیے خیال رکھنا ہوگا۔چیلنجز بہت سارے ہیں ،نظام بگڑا ہوا ہے لیکن ایک روڈ میپ بنایا ہے۔بھرتیوں کا سلسلہ جتنا جلد ہوسکے گا کریں گے۔کریکولم کو تبدیل کریں گے ، اچھے اساتذہ بھرتی کریں گے ، انفراسٹرکچر بدلیں گے۔

سندھ میں تعلیمی ادارے بند رکھنے کا نوٹیفکیشن جاری کردیا گیا ہے۔نوٹیفکیشن کے مطابق تمام نجی وسرکاری اسکولز 19اگست تک بند رہیں گے، سندھ کےتمام کالجز میں بھی تدریسی عمل 19اگست تک معطل رہےگا۔