نواز شریف اور مریم کے بیانیے کی وجہ سے لوگ (ن) لیگ چھوڑ رہے، اسد عمر

تفصیلات کے مطابق  وفاقی وزیر اسد عمر کا کہنا تھا کہ ن لیگ کے لوگ نوازشریف اور مریم نواز کے بیانیے سے تنگ آ کر دوسری جماعتوں میں شامل ہو رہے ہیں۔

کراچی میں مرتضی وہاب کی بطور ایڈمنسٹریٹر تعیناتی پر ان کا کہنا تھا کہ یہ جمہوریت کی نفی ہے ۔ مرتضی وہاب کی تعیناتی چلینج کرنی ہے یا نہیں تحریک انصاف سندھ فیصلہ کرے گی۔

جہانگیرترین گروپ کے حوالے سے بات کرتے ہوئے وفاقی وزیر مواصلات کا کہنا تھا کہ ایسا کوئی گروپ نہیں ۔اگر تحریک انصاف کے کچھ افراد پنجاب میں پیپلز پارٹی کا ٹکٹ لیتے ہیں تو یہ سیاسی خود کشی ہوگی۔

این سی او سی کے 500 دن مکمل ہونے پر سربراہ این سی او سی اسد عمر کا کہنا تھا کہ اگر مربوط پالیسیاں نہ بناتے تو 50 ہزار سے زائد اموات ہوتیں۔

انہوں نے کہا کہ اگر ایس او پیز پر عمل ہوتا ہے تو کچھ ہفتوں میں چوتھی لہر کاخاتمہ ہوجائے گا۔ اسد عمر کا مزید کہنا تھا کہ اگر 60 فیصد ویکسینیشن کا ٹارگٹ پورا ہوجاتا ہے تو تمام بندشیں ختم کردیں گے۔