انڈیا،اسرائیل اور این ڈی ایس پاکستان کے امن و امان سے کھیلنا چاہتے ہیں: شیخ رشید

تفصیلات کے مطابق میڈیا سے گفتگو کرتے ہوئے وزیر داخلہ کا کہنا ہے کہ کورونا پھیلنے کا خدشہ ہے لہذا یوم آزادی کا جلسہ منسوخ کر رہا ہوں لال حویلی میں جلسہ اور آتش بازی نہیں ہو گی ۔

شیخ رشید نے کہا کہ وزارت داخلہ کواسلحہ لائسنس جاری کرنے کی اجازت مل گئی ،اسلحہ لائسنس اجرا کے قواعد اور ضوابط بھی ہیں ،اسلام آباد پولیس کی تعداد اور وسائل کو بڑھارہے ہیں اوراسلام آباد میں ریسکیو 1122 بھی لائی جا رہی ہے ۔

وزیر داخلہ نے کہا کہ سائینو ویک کو اسلامی ممالک میں قبول نہیں کیا جارہا ،ایسا سرٹیفکیٹ بنائیں گے جس میں کوئی شخص دوسری ویکسین لگا سکتا ہے۔

شیخ رشید نے کہا کہ سی پیک میں کسی قسم کی رکاوٹ کو برداشت نہیں کیا جائے گا۔ پوری قوم سی پیک کے ساتھ کھڑی ہے۔ چینی سفیر سے ہفتے میں دو بار ملاقاتیں ہو چکی ہیں۔ داسو واقعہ کی تحقیقات مکمل ہو گئی ہیں، وزیر خارجہ تفصیلات سے آگاہ کریں گے۔

وزیر داخلہ نے کہا کہ موجودہ حالات متحد ہونے کا مطالبہ کرتے ہیں، اپوزیشن صورتحال کو سمجھ نہیں رہی، قانون کی خلاف ورزی پر قانون کا اطلاق ہو گا۔

ان کا مزید کہنا تھا کہ خطےمیں کیاہونیوالا ہے،اپوزیشن کوسمجھ ہی نہیں آرہی،مولا نا فضل الرحمان کبھی قادیانی اور کبھی یہودی لابی کہتے ہیں ۔