حکومت اقلیتی برادری کومساوی حقوق دینے کیلئے پرعزم ہے : صدر ، وزیراعظم

تفصیلات کے مطابق صدرمملکت عارف علوی نے اپنے پیغام میں کہاکہ حکومت اقلیتوں کی فلاح وبہبود اورسہولت کے لئے بھرپور کوششیں کررہی ہے۔وزیراعظم عمران خان  نے اپنے پیغام میں کہاکہ حکومت نے اقلیتوں کے قومی کمیشن کوبااختیاربنایاہے تاکہ یہ اپناکردارموثر طریقے سے ادا کرسکے۔انہوں نے کہاکہ سرکاری وغیرسرکاری محکموں اورمختلف شعبوں میں اقلیتی برادریوں سے تعلق رکھنے والے ارکان پارلیمنٹ، سرکاری ملازمین نہ صرف ملک کی مجموعی ترقی میں اپنا کردار ادا کررہے ہیں بلکہ معاشرے کے اعتدال پسندانہ تشخص کی بھی نمائندگی کرتے ہیں۔

واضح رہے کہ اقلیتوں کاقومی دن آج منایاجارہاہے جس کامقصدپاکستا ن کی ترقی میں اقلیتوں کے کردارکو خراج تحسین پیش کرناہے۔یہ دن قائداعظم محمدعلی جناح کے اس نظریے کی یاد میں اوراس عزم کی تجدیدکے طور پر منایا جاتاہے کہ مختلف عقائدسے تعلق رکھنے کے با وجود ہم ایک قوم ہیں۔