ملک میں ویکسی نیشن کی رفتار کو تیز کرنے کیلئے این سی او سی کا بڑا فیصلہ

جی این این کے مطابق  یشنل کمانڈ اینڈ آپریشن سینٹر نے ملک میں  کوروناکے پھیلاؤ کے  پیش نظر کورونا ویکسی نیشن مہم تیز کرنے کے لئے اہم فیصلے کرلیے۔نیشنل کمانڈاینڈ آپریشن سنٹر اجلاس میں ویکسین کی تمام اقسام میں پہلی اور دوسری ڈوز کا درمیانی وقفہ 42 دن سے کم کر کے 28 دن کر دیا گیا ہے ۔یہ فیصلہ وزارت صحت اور طبی ما ہر ین کی مشاورت کے بعد کیا گیا۔ اجلاس میں 10 ستمبر کے بعد ہوائی سفر کیلئے مکمل ویکسینیشن لازمی قراردے دی گئی ۔10  ستمبر کے بعد ویکسینیشن کا جزوی سرٹیفیکیٹ کارآمد نہیں ھو گا۔اس حوالے سے وفاق کی  تمام اکائیوں کو آگاہ کر دیا گیا۔

واضح رہے کہ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے مزید81فراد چل بسے ۔ ملک میں  اموات کی مجموعی تعداد24ہزار085ہوگئی ہے،جبکہ  متاثرہ افراد کی مجموعی تعداد 10لاکھ80ہزار360ہوگئی ہے ۔