10محرم ا لحرام کوکورونا ویکسی نیشن سنٹرزبند رہیں گے

تفصیلات کے مطابق وفاقی وزیر منصوبہ بندی اسد عمر کی زیرصدارت این سی اوسی کا اجلاس ہو ا، اجلاس میں  این سی او سی نے  9 محرم  کوتمام بڑے اورمرکزی ویکسی نیشن سنٹرزکھلےرکھنےکافیصلہ کیا ہے جبکہ 10محرم الحرام  کوویکسی نیشن سنٹرزبندرہیں گے۔ این سی اوسی  نے عاشورہ کے دوران پہلے سے جاری کردہ ہدایات پر عملدرآمد پر زور دیا ہے ۔

ملک میں کورونا کی چوتھی لہر شدت اختیار کرگئی ہے اور کیسز اور اموات میں تیزی سے اضافہ دیکھنے میں آیا ہے ۔ ملک میں کورونا وائرس کی  چوتھی  لہر کے دوران  مزید 95 افراد انتقال کر گئے جبکہ 3221کیسز رپورٹ ہوئے ہیں۔نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں  اموات کی مجموعی تعداد24 ہزار573ہوگئی ہے،جبکہ  متاثرہ افراد کی مجموعی تعداد11لاکھ05ہزار300ہوگئی ہے ۔