افغانستان کے معاملے پر پارلیمنٹ کو اعتماد میں لیا جائے : بلاول بھٹو

تفصیلات کے مطابق چیئرمین پیپلزپارٹی بلاول بھٹوزرداری  نے کراچی میں پریس کانفرنس کرتے ہوئے کہاکہ افغانستان کی موجودہ صورتحال تشویش ناک ہے ،  افغانستان  میں افغان عوام مشکل دور سے گزررہے ہیں، ہم افغان  عوام کی  بہادری کو سلام پیش کرتے ہیں ۔ چیئرمین   پیپلزپارٹی  نے کہاکہ افغانستان میں    شہریوں کی جان و مال کے تحفظ کویقینی  بناناچاہیے،افغانستان میں    تمام اسٹیک ہولڈرز مل کر حکومت سازی کا فیصلہ کریں۔ انہوں نے مطالبہ کیا کہ  نیشنل ایکشن پلان پر مکمل عمل درآمد ہونا چاہیے۔

 بلاول بھٹوزرداری نے مزید کہا کہاگر کوئی دہشت گردی کا واقعہ پیش آتا ہے توبھرپور ردعمل دیا جاناچاہئے،داسو ، کوئٹہ اور کراچی میں حال ہی میں دہشت گرد حملے ہوئے، ٹی ٹی پی اور دیگر دہشت گرد تنظیموں نے پاکستانی عوام کونشانہ بنایا۔افغانستان میں اہل تشیع کو آزادی سے عزاداری کا موقع دیا جائے ۔ہمیں اپنے وعدے پورے کرنے پڑینگے۔

ان کاکہناتھا کہ  پاکستان میں سی پیک منصوبوں کی سکیورٹی کا جائزہ لیا جائے ، حکومت کو دہشتگردوں کو خوش کرنے کی روش ترک کرنا ہوگی۔ بلاول بھٹو  نے مزید کہاکہ  سی پیک منصوبوں کو سکیورٹی فراہم کرنی چاہیے،  ریاست کو قوم پرستوں کو ساتھ لے کر چلنا ہو گا اور ہمیں اپنی خودمختاری کی حفاظت کرنا ہو گی، ہم افغانستان میں ایک بہتر ماحول پیدا ہونے کی امید کرتے ہیں۔