ترقی پذیرممالک کوبلاتفریق کورونا ویکسین فراہم کی جائے : وزیراعظم

تفصیلات کے مطابق وزیراعظم عمران خان نے اقوام متحدہ کے زیراہتمام تجارت وترقی سے متعلق کانفرنس کے چوتھے سیشن سے ورچوئل خطاب کرتے ہوئے کہا کہ کورونا بلاتفریق امیر اور غریب سب کو متاثر کررہا ہے، کورونا سے پسماندہ ممالک اور ان کی عوام سے سب سے زیادہ متاثر ہوئے۔ہمیں لوگوں کو وبا اور بھوک سے بچانا ہے ، کوروونا کی وجہ سے کروڑوں لوگ خط غربت سے نیچے زندگی گزارنے  پر مجبور ہیں ۔

 وزیراعظم نے کہا کہ پانچ نکاتی ایجنڈے کی تجویز دے رہا ہوں، کورونا سے بچاؤ کی ویکسین ترقی یافتہ ممالک میں لگائی جارہی ہے،   پانچ ارب ڈالر کے خصوصی فنڈ کا قیام عمل میں لایا جائے  اوروباکے تدارک کے لیے سہولیات میں اضافہ کیا جائے۔ وبا کے خاتمے تک مقروض ملکوں کو قرضوں کی ادائیگی میں رعایت دی جائے۔ وزیراعظم  عمران خان کا کہنا تھا کہ دنیا کو اس وقت صحت عامہ اور معاشی حوالے سے غیر معمولی بحران کا سامنا ہے ، کورونا سے بچاؤ کی ہماری حکمت عملی خوش قسمتی سے بہتر ثابت ہوئی اور ہماری پالیسی  کو دنیا میں سراہا گیا ۔