غسل کعبہ کی روح پرور تقریب آج ہوگی

عرب میڈیا رپورٹس کے مطابق خادم حرمین شریفین شاہ سلمان بن عبد العزیز نے غسل کعبہ کی منظوری دیدی ہے۔خانہ کعبہ کو غسل دینے کے عمل میں تمام حفاظتی تدابیر پر عمل کیا جائے گا۔ حرمین انتظامیہ کی نگرانی میں یہ رسم انتہائی احترام سے ادا کی جائے گی جس میں شرکا کے تحفظ کا بھرپور خیال رکھا جائے گا۔

خیال  رہے مقدس خانہ  کعبہ کے غسل کے لئے استعمال ہونے والے تمام اوزار تانبے  سے بنائے گئے ہیں اور اس خاص مقصد کے لئے  ہی تیار کیا گیا ہے۔ یہ اوزار متعدد آلات پر مشتمل ہیں جس میں چار گیلن کا پیالہ ہے جس کی گنجاش 10لیٹر کی ہے، جس میں غسل کعبہ کے لئے ایک مرکب شامل کیا جاتا ہے۔ اس مرکب کی تیاری کے لئے عمدہ تیل‘ گلا ب کا عطر‘ گلاب کے عرق کو زم زم کے پانی کے ساتھ ملایا جاتا ہے۔طائف گلاب اور امبر کو بھی اس میں شامل کیا جاتا ہے۔

کعبہ شریف کے اندرونی صفائی کے لئے چار بھوسے والی چاندی کے ہینڈل کے جھاڑوں کا استعمال کیا جاتا ہے۔ کعبہ شریف کی اونچی دیواروں کی اندر اور باہر سے صفائی کے لئے چاندی کے ہینڈل مابس کا استعمال کیا جاتا ہے۔ کعبہ کے فرش کی صفائی کے لئے لکڑی کے ہینڈل والے چار کپڑوں کے تکڑوں کا استعمال کیا جاتا ہے۔