ثروت گیلانی کا ہندوتہوار کے موقع پر مذہبی ہم آہنگی کا خوبصورت انداز

تفصیلات کے مطابق فوٹو اینڈ ویڈیو شئیرنگ ایپ انسٹاگرام پر اداکارہ ثروت گیلانی  نے  حال ہی میں اسٹوری اور ویڈیو  شیئر کی ہے جس میں انہوں  نے ہندو تہوار رکشا بندھن کے موقع پر مداحوں کو راکھی کا تہوار منانے سے متعلق  آگاہ کیا ۔ ثروت گیلانی نے پاکستان میں اقلیتوں کےساتھ مذہبی رواداری اور ہم آہنگی کا پیغام دیتے ہوئے    لکھا کہ وہ اپنے  ہندو باورچی گنیش  کے ساتھ راکھی بندھن کا تہوار منارہی ہیں ۔

 ویڈیو میں دیکھا جاسکتا ہےکہ  اداکارہ  اپنے بچوں کے ہمراہ اپنے باورچی گنیش  کے ساتھ بیٹھی  ہیں  اورگھنیش کو ماتھے پر تلک لگاکر راکھی باندھ رہی ہیں ۔ ویڈیو میں اداکارہ کا کہنا تھا کہ میں گھنیش کو راکھی اس لیے باندھ رہی ہوں کہ ہم جنموں تک ساتھ رہیں۔ اداکارہ  ثروت گیلانی نے لکھا کہ ہمارے کک گھنیش کے لیے راکھی بندھن، ہر پاکستانی کو ملک میں رہنے والی اقلیتوں کو خوش آمدید اور محبت کا احساس دلانا چاہیے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Entertainment Popcorn (@entertainment_popcorn)

اداکارہ کی  جانب سے  اقلیتوں کو محبت کا احساس دلانے کی خاطر بنائی گئی  اس ویڈیو پر سوشل میڈیا صارفین کی جانب سے  بے حد سراہا جارہا ہے۔

واضح رہے کہ رکشا بندھن  ہندو تہوار ہے جو بھائیوں اور بہنوں کے درمیان تعلقات کو مضبوط بنانے کے لیے منایا جاتا ہے۔