براڈ شیٹ کیس کی تحقیقات کا دائرہ کار وسیع

تفصیلات کے مطابق براڈ شیٹ کیس کی تحقیقات کا دائرہ کار وسیع کر دیا گیا۔  ایف آئی اے بھی براڈ شیٹ کیس کمیشن کی معاونت کے لیے شامل کرلی گئی۔ڈی جی ایف آئی اے نے براڈ شیٹ کیس میں فنانشل کرائم کے ماہر دو افسران کو کمیشن کے ساتھ اٹیچ کر دیا۔

اسسٹنٹ ڈائریکٹر امان اللہ اور احسن علی باجوہ کو براڈ شیٹ کیس اور دیگر انٹرنیشنل کیسز میں معاونت کے لیے تعینات کیا گیا۔حکومت کی جانب سے براڈ شیٹ کمپنی سے دیار غیر میں پاکستانیوں کے اثاثوں کی تحقیقات کروائی گئی تھیں،براڈ شیٹ کمپنی کی جانب سے مطلوبہ اثاثوں کی تفصیلات تو حاصل نہ ہوئیں تاہم بھاری فیس حکومت کو ادا کرنی پڑی تھی۔

گزشتہ ماہ  وفاقی حکومت کی جانب سے براڈ شیٹ اسکینڈل کی تحقیقات کے لیےجسٹس (ر) عظمت سعید کی سربراہی میں ایک رکنی کمیشن کی تشکیل کا نوٹیفکیشن جاری کردیا گیا تھا ۔ جبکہ نوٹیفکیشن کے ساتھ ٹی او آرز بھی جاری کیے گئےتھے ۔  کمیشن کوتحقیقات کے لیے افسران اور ماہرین پرمشتمل کمیٹیاں بنانےکا اختیار ہوگا،  کمیشن براڈشیٹ اور آئی اے آر کےانتخاب، تقرری اورمعاہدوں کی چھان بین کرےگا۔ کمیشن 2003 میں براڈشیٹ اور انٹرنیشنل ایسٹ ریکوری(آئی اے آر) فرمز سے معاہدوں کی منسوخی کی وجوہات کی جانچ کرے گا  جبکہ  کمیشن 2008 میں براڈ شیٹ کوپاکستان کی ادائیگیوں کی وجوہات اور اثرات کی نشاندہی بھی کرےگا۔

خیال رہے کہ اپوزیشن جماعتوں نے براڈ شیٹ اسکینڈل کی تحقیقات کے لیے قائم کمیشن کے سربراہ کی حیثیت سے جسٹس (ر) عظمت سعید کا تقرر مسترد کردیا تھا۔ اپوزیشن رہنماؤں کاکہنا تھا  کہ جسٹس عظمت  سعید نیب پراسیکیوٹر رہ چکے ہیں جبکہ شوکت خانم کے بورڈ آف گورنرز کے رکن بھی ہیں۔  اس کے علاوہ نواز شریف کا پاناما کیس کا فیصلہ دینے والے جج بھی  یہی ہیں ۔