انگلش میڈیم سسٹم نےہمیں مغربی کلچرکاغلام بنادیا،وزیراعظم عمران خان

وزیر اعظم عمران خان نے  پنجاب ایجوکیشن کنویکشن  کی تقریب سے خطاب کرتے ہوئے کہا کہ مراد راس نے تعلیم پر بہت تفصیلی بریفنگ دی۔عثمان بزدار اچھے کاموں میں اپنا نام لانا ہی نہیں چاہتے ،پنجاب میں آپ نے وہ کام کیے جو کسی نے نہیں کیے،ماضی کی  حکومتوں نے تعلیم کے فروغ کےلئے کچھ نہیں کیا، ہمیں آنے والی نسلوں کے بہتر مستقبل کےلئے سوچنا ہے، ماضی کی حکومتوں کی توجہ ہمیشہ آنےوالے الیکشن  پر مرکوز ہوتی تھی۔

وزیر اعظم عمران خان نے کہا کہ یکساں نصاب  ماضی میں ہوناچاہیےتھالیکن نہیں کیاگیا،عثمان بزدارچپ کرکےکام اورلوگ تنقیدکرتےرہتےہیں،ہمیشہ سوچتاہوں آپ وہ کام کررہےہیں جوکوئی صوبہ نہیں کررہا،ماضی کی حکومتیں کام کم اور شور زیادہ کرتی تھیں۔انہوں نے کہا کہ سابقہ ادوارمیں  ڈیم بنانے پر بھی توجہ  نہیں دی گئی،پاکستان میں ملٹری ڈکٹیٹر نے2ڈیم بنائے ۔

وزیراعظم عمران خان  کا کہنا تھا کہ انگریزوں نےایک خاص کلاس بنانےکیلئےمختلف نظام تعلیم رائج کیے،ماضی کی کسی حکومت نے نہیں سوچا کے مستقبل کا کیا بنے گا،جب میں باہرگیاتومجھےمحسوس ہواکہ مجھےاپنےکلچراوردین سےدورکیاگیا،میں ایچی سن کالج سےپڑھا ہوں،ہمیں انگریزوں کا طبقاتی نظام تیزی سے بدلنا ہوگا۔ ماضی کی کسی حکومت نے نہیں سوچا کہ مستقبل کا کیا بنے گا۔

وزیراعظم عمران خان نے تقریب سے خطاب کرتے ہوئے کہا کہ تھوڑےسےلوگوں کوانگریزی پڑھانےکے بجائےسب کوپڑھائیں،ماضی کی حکومتوں نے بہتر گورننس سسٹم پر بھی توجہ نہیں دی،انگلش میڈیم سسٹم نےہمیں مغربی کلچرکاغلام بنادیا،کسی بھی غیر کلچرکی ذہنی غلامی بڑے مقصد اور کام   میں بڑی رکاوٹ ہوتی ہے،انگلش میڈیم سسٹم ذہنی غلام لایا، ٹیکنالوجی  کےساتھ ہمیں اپنےبچوں کوتربیت دینےکی بھی ضرورت ہے۔

وزیر اعظم  نے کہا کہ ہماری حکومت 10ارب درخت لگا رہی ہے ،اپنی کابینہ کو ای گورننس پر لے آئے ہیں،ایف بی آرمیں آٹومیشن لانےکی کوشش کررہےہیں،پارلیمنٹ اورسینیٹ میں کچھ لوگ انگریزی  بولناشروع ہوجاتےہیں۔

وزیراعظم عمران خان نے مزید کہا کہ مینار پاکستان پر جو واقعہ ہوا  اس  سے تکلیف ہوئی، کبھی بھی نہیں سوچا تھا کہ ہمارے ملک میں ایسا واقعہ ہوگا، جنسی جرائم بڑھتے جارہے ہیں، عورت  کی جو عزت پاکستان  میں کی جاتی  تھی ویسی مغرب  میں نہیں کی جاتی  تھی،تباہی کی بڑی وجہ  ہمارے بچوں کی تربیت  نہ ہونا  ہے، والدین بچوں کی تربیت کریں ۔