الیکشن میں شفافیت کی ہماری کوشش جاری رہے گی:شبلی فراز

میڈیا سے گفتگو کرتے ہوئے وزیراطلاعات شبلی فراز کا کہنا تھا کہ کورونا میں آمدن اور اخراجات میں بڑا گیپ تھا،ٹیکس کی کلیکشن بھی کافی مایوس کن تھی، اب ہمارے ٹارگٹس بہتر ہوئے ہیں 30 ارب زیادہ کلیکٹ کیے ہیں، پرائم منسٹر اپنے گھر میں رہتے ہیں جبکہ ماضی میں پرائم منسٹر گھر میں اپنے پورے خاندان اور دوست احباب کو ٹہرایا ہوتا تھا، ماضی میں جیسے کیمپ آفس بنائے گئے اس کی بھی مثال نہیں ملتی،زرادری نے 2 کیمپ آفس 245 گاڑیاں یوسف رضا گیلانی کے 5 کیمپ آفس تھے،نواز شریف نے دو ہزار سےزائد پولیس آفسر جاتی عمرہ رکھے جبکہ عمران خان کا کوئی کیمپ آفس نہیں،2020میں آفس کے اخراجات میں 29 فیصد سیونگ ہوئی، گیلانی صاحب نے 48 ٹورز کیے پرویز اشرف نے 9 ٹورز کیے نواز شریف نے 92 ٹورز کیے 1.8 ارب لگایا،عباسی صاحب نے 19 ٹورز کیے جبکہ عمران خان نے 26 ٹورز کیے جس میں 17 کروڑ خرچ ہوئے۔

انہوں نے مزید کہا کہ یہ لوگ سمجھتے تھے یہ قانون سے بالاتر ہیں، یہ سوچتے تھے قوم پر فرق آئے لیکن ان پر کوئی نہ آئے،آج یہ لوگ باتیں کررہے ہیں،انہوں نے شاہانہ زندگی گزاری اور آج عوام کی بات کر رہے ہیں جبکہ عمران خان عوام کی طرح اپنی زندگی گزار رہے ہیں،کیبنیٹ سے ہوکر آرہا ہوں کوئی کھانا نہیں زیادہ ہوتا ہے تو 2 بسکٹ مل جاتے ہیں۔

شبلی فراز نے مزید کہا کہ ہمیشہ انتخابات کی شفافیت پر سوال کیے گئے،وزیراعظم نے کچھ ایشوز تھے جو کابینہ کے سامنے رکھے،الیکشن شفاف اور غیر جانبدار ہوں گے تو سب کا اتفاق ہو گا،وزیر اعظم نے کہا سینیٹ الیکشن شفاف ہونے چاہیے، ہمارا بنیادی مقصد ہے کہ الیکشن شفاف ہونا چاہیے، جو پارٹیاں اس کی مخالف ہیں وہ پاکستان کو پتہ چل گیا ہے،قوم جان گئی ہے اوپن بیلٹ الیکشن کی مخالفت کرنے والے کون ہیں،، الیکشن میں شفافیت کی ہماری کوشش جاری رہے گی، جو بھی الیکٹ ہوں گے ان کے پاس اخلاقی قوت ہوگی۔