امریکا نے کابل ایئرپورٹ پر ایک اور حملے کا خدشہ ظاہر کردیا

غیر ملکی خبررساں ادارے کے مطابق  کابل میں امریکی سفارت خانے نے اپنے ایک سیکیورٹی الرٹ میں شہریوں کو ایئرپورٹ سے دور ہو جانے کی ہدایت کی ہے اور اپنے شہریوں کوخاص طور پر   ایئرپورٹ کے جنوبی (ایئرپورٹ سرکل) گیٹ، وزارتِ داخلہ گیٹ اور شمال مغربی جانب واقع پنجشیر پیٹرول سٹیشن گیٹ  سے دور رہنے کا کہا ہے ۔

#Afghanistan: Due to a specific, credible threat, U.S. citizens near Kabul airport, including South gate, new Ministry of the Interior, and gate near Panjshir Petrol station, should leave the area immediately. Avoid traveling to the airport at this time. https://t.co/wU0jfVIdfZ pic.twitter.com/ghd9w7Cme2

— Travel - State Dept (@TravelGov) August 29, 2021

اس سے قبل امریکی  صدر جو بائیڈن  نے کہا تھا کہ  اُن کے ملٹری کمانڈرز نے اگلے 24 سے 36 گھنٹوں میں نئے حملے کے خدشے کا اظہار کیا ہے اور یہ کہ صورتحال اب بھی ’نہایت خطرناک‘ ہے۔

واضح رہے کہ 26 اگست کو  کابل ائیرپورٹ پر ایک خودکش حملہ آور نے خود کو دھماکہ  خیز مواد  سے اڑا لیا تھا ،  جس میں سیکڑوں افغان شہری اور 13 امریکی فوجی ہلاک ہو گئےتھے۔ اس حملے کی داعش نے  قبول کی تھی۔