سندھ میں پانی کے مسائل بڑھتے جارہے ہیں جس کے سنگین نتائج ہوں گے: مراد علی شاہ

تفصیلات کے مطابق وزیر اعلیٰ سندھ سید مراد علی شاہ کا کہنا ہے کہ تحریک انصاف جھوٹے دعووں کی بنیاد پر حکومت میں آگئی اور ایک کروڑ نوکریاں دینے کے بجائے لاکھوں افراد کو بے روزگار کردیا، اب اسٹیل ملز کی بری حالت کرکے وہاں ملازمین کو نکالنے کی بات کررہے ہیں۔

انہوں نے کہا کہ سندھ میں وفاق کے 11 محکمے ہیں جہاں سے 25 ہزار ملازمین کو نکالنے کی تیاری کی جارہی ہیں کیونکہ یہ حکومت لوگوں کو بے روزگار کرنا چاہتی ہے۔

سید مراد علی شاہ نے کہا کہ یہ وہ لوگ ہیں جنہیں 1997 میں بے نظیر بھٹو نے اوسطا 30 سال کی عمر میں نوکریاں دیں، اگلی حکومت آئی تو تمام افراد کو نوکری سے نکال دیا پھر یپپلز پارٹی نے 14 سال بعد انہیں ایک ایکٹ کے تحت بحال کردیا اور اب ایک مرتبہ پھر انہیں 56 سال کی عمر میں نوکری سے برخاست کیا جارہا ہے۔

وزیر اعلیٰ سندھ نے کہا کہ برخاست کیے ملازمین کو پیپلز پارٹی کی جانب سے بہتر وکلا کی خدمات پیش کی جائیں گی تاکہ وہ عدالتوں میں جاکر اپنا موقف پیش کرسکیں، مجھے پوری امید ہے کہ ہمارے ملک کی عدالتیں انصاف کریں گی۔