امریکہ نے طالبان سے خفیہ مذاکرات کیے ، سی این این کا انکشاف

سی این این کا کہنا ہے کہ امریکی باشندوں کا باحفاظت انخلا طالبان کی مدد اور ان کی نگرانی میں ہوا ہے ، امریکی فوج نے طالبان سے خفیہ مذاکرات بھی کیے ہیں ۔

رپورٹ کے مطابق طالبان امریکی باشندوں کو گروپس کی شکل میں ائیرپورٹ کے خفیہ دروازوں پر چھوڑ گئےجہاں سے انہیں طیاروں  کے ذریعے امریکہ واپس پہنچایا گیا ۔

امریکی سپیشل فورسز نے کابل ائیرپورٹ پر ایک خفیہ دروازہ اور کال سینٹرز قائم کیے تھے ۔ جس کے ذریعے امریکیوں کو انخلا کا طریقہ کار سمجھایا گیا ۔

کال سینٹرز کے ذریعے امریکیوں کو ائیرپورٹ کے نزدیک ایک خفیہ مقام پر رکھا گیا جس کے بعد طالبان نے ان امریکیوں کی شناختی دستاویزات چیک کرکے انہیں اس خفیہ دروازے تک پہنچایا گیا ۔

یہ سارا مشن ایک دن مکمل کیا گیا ، یہ خفیہ راستے اندر کی طرف کھولتے ہیں جن حفاظت طالبان کررہے تھے ۔