غیر معمولی موسم کے باوجود تربیلہ ڈیم بھر گیا ، وزیراعظم

انہوں نے مزید کہا کہ تربیلا ڈیم کا بھر جانا زراعت اور ہائیڈل بجلی بنانے کے لیے اچھا شگون ہے ۔ وزیراعظم عمران خان نے متعلقہ اداروں کی تعریف کرتے ہوئے کہا کہ بہترین واٹر ریگولیشن پر واپڈا اور ارسا کی کارکردگی قابل تعریف ہے ۔

یاد رہے کہ گزشتہ روز ارسا نے تربیلا ڈیم کے مکمل بھرجانے کی تصدیق کی تھی ، ارسا کے مطابق تربیلا ڈیم کا آبی ذخیرہ ایک ہزار پانچ سو پچاس فٹ  کی انتہائی حد تک پہنچ گیا ہے اور تربیلا ڈیم میں پانی ذخیرہ کرنے کی حد بھی اتنی ہی ہے ۔