وزیراعظم نے سیالکوٹ کھاریاں موٹر وے کا سنگ بنیاد رکھ دیا

تفصیلات کے مطابق  سیالکوٹ کھاریاں موٹر وے کا سنگ بنیاد رکھنے کے موقع پر تقریب سے خطاب کرتے ہوئے وزیراعظم عمران خان نے کہا کہ این ایچ اے کی ٹیم کو خراج تحسین  پیش کرتا ہوں، پبلک پرائیویٹ پارٹنر شپ کا یہ اہم منصوبہ ہے۔ ان کا کہنا تھا کہ  وزیرآباد، گوجرانوالہ اور سیالکوٹ معاشی تکون ہے، صنعتی ترقی  کے لیے ضروری ہے کہ انڈسٹری کو سنٹرلائز کریں، صنعتی ترقی کے بغیر پاکستان پیسہ نہیں کما سکتا، دولت میں اضافہ ہو گا تب ہی قرضے اتار سکیں گے۔ انہوں نے کہاکہ جب تک آمدنی میں اضافہ نہیں ہوگا، ہم قرض نہیں اتار سکتے، آپ مجھے بتائیں اجازت لینے میں کہاں مشکل ہے اور کہاں چیزیں پھنستی ہیں، پبلک پرائیویٹ پارٹنر شب میں جو رکاوٹیں ہیں وہ ہمیں بتائیں، ہم دور کریں گے۔

وزیراعظم نے کہا کہ پی ٹی آئی کی حکومت نے پچھلی حکومت سے تین گنا زیادہ اور سستی سڑکیں بنائی ہیں، پچھلی حکومت والے سڑکوں کے کمیشن سے لندن میں فلیٹ لیتے تھے۔ہم سڑکیں ، اسپتال اور اسکول بنانے میں ڈویلپمنٹ فنڈ استعمال کرتے ہیں ، ہمیں ڈویلپمنٹ فنڈ بچانا چاہئے، پبلک پرائیویٹ پارٹنر شپ لانا چاہئے۔

وزیراعظم عمران خان نے کہاکہ سیالکوٹ کھاریاں موٹر وے اہم منصوبہ ہے، سوات موٹر وے سے عید کے دن 27 لاکھ گاڑیوں نے سفر کیا، حکومت سیاحت اور صنعت پر خصوصی توجہ دے رہی ہے، ہم نے سستی سڑکیں بنائی ہیں، ہ ایسے منصوبے معیشت کو سہارا دیتے ہیں ،ہم پچھلی حکومت سے تین گنا زیادہ اور سستی سڑکیں بنا چکے ہیں۔