عمرہ زائرین کے لیے بس ٹکٹ خریدنا ضروری نہیں ہے ، وزارت حج و عمرہ

بیان میں کہاگیا ہے کہ زائرین کی مرضی پر منحصر ہے وہ چاہیں تو خرید سکتے ہیں نہ چاہیں تو اس سے ان کے عمرہ اجازت نامے پر کوئی فرق نہیں پڑے گا۔

عکاظ اخبار کے مطابق وزارت کا کہنا ہے کہ عمرہ زائرین  اعتمرنا ایپ کے ذریعے براہ راست آن لائن بھی ٹکٹ خرید سکتے ہیں اور مکہ مکرمہ  استقبالیہ مرکز پہنچ کر بھی ٹکٹ حاصل کرسکتے ہیں ۔

ٹکٹ کی رقم اے ٹی ایم کے ذریعے بھی ادا کی جاسکتی ہے اور نقد بھی ادا کی جاسکتی ہے ۔

وزارت کا کہنا ہے کہ سعودی شہری ، مقیم غیر ملکی اور وزٹ ویزا ہولڈرز اعتمرنا ایپ کے ذریعے عمرہ اور نماز کے اجازت نامے حاصل کرسکتے ہیں اور پسندیدہ وقت اور تاریخ کا انتخاب کرسکتے ہیں ۔