ملتان:کرونا ایس او پیز کی خلاف ورزیاں،ضلعی انتظامیہ ان ایکشن

تفصیلات کے مطابق  ڈپٹی کمشنر عامر کریم خاں کی ہدایت پر میگا کریک ڈاؤن کیا گیا،  کریک ڈاؤن کے دوران 10 پٹرول پمپ،4 ہوٹل اور 17 دکانیں سیل کردی گئیں، کرونا ایس او پیز پر عملدرآمد نہ کرانے پر 67 کمرشل گاڑیاں بھی تھانہ بند کردی گئیں ۔

اسسٹنٹ کمشنرز اور مجسٹریٹس کے مختلف کمرشل سنٹرز کو 3 لاکھ سے زائد جرمانے کیے گئے،اسسٹنٹ کمشنر سٹی خواجہ عمیر محمود،اے سی صدر عدنان بدر اور سیکرٹری آر ٹی اے رانا محسن کی سربراہی میں کارروائیاں کی گئیں،کرونا حفاظتی انتظامات نہ کرنے پر درجنوں پٹرول پمپ،دکانات اور پلازہ مالکان کو نوٹس جاری کیے گئے۔

ڈپٹی کمشنر کا کہنا ہے کہ 13 ستمبر تک کسی صورت لاک ڈاون کی خلاف ورزی نہیں ہونے دینگے۔ تمام تقریبات،کھیلوں اور انٹر سٹی ٹرانسپورٹ پر پابندی عائد ہے۔کرونا کے خلاف جنگ میں سول سوسائٹی انتظامیہ کا ساتھ دے۔ ویکسی نیشن نہ کرانے والے شہریوں کو کوئی سروس فراہم نہیں کی جائے گی۔