ٹی ٹوئنٹی ورلڈ کپ کیلئے قومی ٹیم کا اعلان ، سرفرازڈراپ

تفصیلات کے مطابق  پاکستان کرکٹ سلیکٹرز نے آئی سی سی مینز ٹی ٹوئنٹی ورلڈکپ 2021 کیلئے 15 رکنی اسکواڈ کا اعلان کردیا ۔یہی اسکواڈ اب نیوزی لینڈکیخلاف 5اور انگلینڈ کیخلاف 2 ٹی ٹوئنٹی انٹرنیشنل میچز پر مشتمل سیریز میں بھی شرکت کرے گا ۔چیف سلیکٹر محمد وسیم پریس کانفرنس میں کھلاڑیوں کے ناموں کے بارے میں آگاہ کیا۔ ٹی ٹوئنٹی ورلڈ کپ کیلئے شاداب خان نائب کپتان ہونگے ۔

 پندرہ رکنی اسکواڈ میں پانچ بیٹسمین، 2 وکٹ کیپرز، چار آل راؤنڈرز اور چار فاسٹ باؤلرز شامل ہیں ۔  قومی سکواڈ میں بابراعظم ،شاداب خان، آصف علی ، حسن علی ، اعظم خان، حارث روف ، عماد وسیم ، خوشدل شاہ ، محمد حفیظ، محمد نواز، محمدرضوان، محمد وسیم، شاہین شاہ آفریدی اور صہیب مقصود شامل ہیں ۔ ریزرو کھلاڑیوں میں فخر زمان، شاہنواز دھانی اور عثمان قادر شامل ہیں ۔

اسکواڈ میں فہیم ، اشرف اور فخر زمان کو ڈراپ کر دیا گیاہے جبکہ شعیب ملک اور وہاب ریاض، سرفراز احمد  بھی سکواڈ میں جگہ بنانے میں کامیاب نہیں ہو سکے ہیں ۔

میچز لاہور ، راولپنڈی میں 25ستمبر سے 14 اکتوبر تک کھیلے جائیں گے جس کے بعد قومی ٹیم میگا ایونٹ  میں شرکت کریں گے جہاں  اسے اپنا پہلا میچ 24 اکتوبر کو بھارت کیخلاف  کھیلنا ہے ۔ آئی سی سی ورلڈ ٹی ٹوئنٹی کا آغاز 17 اکتوبر سے یو اے ای میں ہوگا۔  نیوزی لینڈ کے خلاف پاکستان کی ہوم سیریز 17 ستمبر سے شروع ہوگی۔