پاکپتن:چوری کے الزام میں گرفتار شخص مبینہ پولیس تشدد سے جاں بحق

جی این این کے مطابق پاکپتن میں چوری کے الزام میں گرفتار شخص  کی مبینہ پولیس تشدد سے ہلاکت  کا واقعہ سامنے آیا ہے۔ ہلاک ہونے والے کے ورثاء نے پولیس کے خلاف احتجاج شروع کر دیا۔لواحقین نے شہر کے دونوں مرکزی ریلوے کراسنگ بند کر دئیے  جس کے باعث شہر کو آنے اور جانیوالی ٹریفک بند ہوگئی اور شہریوں کو شدید مشکلات کا سامنا ہے  ،لواحقین کی جانب سے  پولیس کے خلاف نعرے بازی  بھی کی گئی ۔

مظاہرین نے  الزام  عائد کیا  ہے کہ فرید نگر پولیس نے  مخالفین سے ساز باز ہوکر معمر شخص کو مارا ہے، پہلے کسی قسم کا کریمنل ریکارڈ نہیں تھا،جھوٹے مقدمے میں گرفتار کیا گیا۔ مظاہرین کا کہنا ہے کہ مکان بیچ کر پیسے دینے کا مطالبہ کرتے تھے،پیسےنہیں ہیں تو کہاں سے دیں۔ لواحقین کاکہنا ہے کہ ہمیں بتائے بغیر ہی پوسٹ مارٹم کردیا گیا۔ پولیس ترجمان کے مطابق  پولیس کی جانب سے تشدد نہیں گیا ، گرفتار شخص کو ہارٹ اٹیک ہوا،اسپتال لایا گیاتو  وہ دم توڑ گیا۔