وزیراعظم  کی قیادت میں فلاحی ریاست کا خواب حقیقت میں بدل رہاہے:وزیراعلیٰ پنجاب

تفصیلات کے مطابق وزیراعلیٰ پنجاب کا کہنا ہے کہ غریب اور بے سہارا افراد معاشرے کی خصوصی توجہ کے طالب ہیں،نادار،بے آسرا اورغریب لوگوں کا خیال رکھنا بہت بڑی نیکی ہے۔

عثمان بزدار کا کہنا ہے کہ ماضی کی حکومتوں نے کبھی لاچار طبقے کی فلاح کے بارے میں نہیں سوچا، تحریک انصاف کی حکومت بے آسرا طبقے کا سہارا بنی ہے۔

ان کا مزید کہنا ہے کہ لنگر خانوں کا دائرہ کار پنجاب کے دور دراز علاقوں تک بڑھایاجا رہا ہے،پناہ گاہوں اور لنگر خانو ں کا قیام بے آسرا طبقے کیلئے عمل میں لایا گیا ہے,لنگر خانوں اور پناہ گاہوں کا قیام فلاحی مملکت کی جانب بڑھتا ہواقدم ہے۔