شوگر مافیا بے لگام ، ملک میں چینی کی قیمتوں کو کنٹرول نہ کیا جاسکا

تفصیلات کے مطابق  ملک میں چینی کی قیمتوں کو کنٹرول کرنے کے دعوے دھرے کے دھرے رہ گئے، ادارۂ شماریات کے مطابق ملک میں فی کلو چینی 105 سے 115 روپے فی کلو میں فروخت ہو رہی ہے، کراچی میں فی کلو  115 روپے، اسلام آباد، راولپنڈی، لاہور، سیالکوٹ، بہاولپور، حیدر آباد اور کوئٹہ میں 110 روپے فی کلو چینی کی فروخت جاری ہے۔

ملتان اور فیصل آباد میں 108 روپے، گوجرانوالہ میں 107 روپے، سکھر، پشاور، خضدار میں 106 روپے، سرگودھا، لاڑکانہ اور بنوں میں چینی کی فی کلو قیمت 105 روپے تک ہے۔

واضح رہے کہ حکومت نے 30 جولائی کو چینی کی ریٹیل قیمت 89 روپے 50 پیسے فی کلو مقرر کی تھی۔