Advertisement
پاکستان

پاکستان کا افغانستان کیلئے انسانی بنیادوں پر امداد بھیجنے کا فیصلہ

اسلام آباد: ترجمان دفتر خارجہ کا کہنا ہے کہ افغانستان کے عوام کیلئے کھانا اور ادویات بھجوائی جائیں گی۔

GNN Web Desk
شائع شدہ 5 سال قبل پر ستمبر 9 2021، 3:47 صبح
ویب ڈیسک کے ذریعے
پاکستان کا افغانستان کیلئے انسانی بنیادوں پر امداد بھیجنے کا فیصلہ

تفصیلات کے مطابق پاکستان  نے افغانستان کیلئے انسانی بنیادوں پر امداد بھیجنے کا فیصلہ  کیا ہے ۔ ترجمان دفتر خارجہ  کے مطابق  افغانستان کے عوام کیلئے کھانا اور ادویات بھجوائی جائیں گی۔

ترجمان دفتر خارجہ کا کہنا ہے کہ  امدادی سامان کے ساتھ تین سی ون تھرٹی طیارے افغانستان بھجوائے جارہے ہیں ،مزید امداد سامان زمینی راستے سے بھجوایا جائے گا ۔

اس سے قبل ترجمان دفتر خارجہ کا کہنا تھا کہ  کابل میں نئے عبوری سیاسی سیٹ اپ کی تشکیل کا جائزہ لے رہے ہیں،  سیٹ اپ کے قیام سے  روز مرہ کے عوامی مسائل کے حل میں مدد ملے گی،   امید ہے نیا سیاسی سیٹ اپ افغان امن،  سلامتی اور استحکام کے لیے جامع کوششیں شروع کرے گا۔

  ترجمان  دفتر خارجہ کا کہنا تھا کہ  ہم یہ بھی امید کرتے ہیں کہ نیا سیٹ اپ عوامی ضروریات کو مد نظر رکھے گا،پاکستان پرامن،  مستحکم،  خوشحال اور خود مختار افغانستان کے لیے پرعزم ہے  ۔

Advertisement
رجحانات
Advertisement