کل ملک بھر کے 42 کنٹونمنٹ بورڈز میں انتخابی دنگل سجے گا

تفصیلات کے مطابق الیکشن کمیشن نے انتخابات کیلئے انتظامات کو حتمی شکل دے دی42 کنٹونمنٹ کے 219 وارڈز کیلئے انتخابی سامان کی ترسیل کردی گئی ہے۔

مجموعی طور پر 1 ہزار 559 امیدوار میدان میں ہیں219 وارڈز کیلئے 1644 پولنگ اسٹیشنز ،5080 پولنگ  بوتھ  بنائے گئے ہیں 21 لاکھ 97 ہزار 741 ووٹرز اپنا حق رائے دہی استعمال کریں گےمرد ووٹرز کی تعداد 11 لاکھ 54 ہزار 551 ہے10لاکھ 43 ہزار 190 خواتین اپنا ووٹ کاسٹ کریں گی۔

انتہائی  حساس پولنگ  سٹیشنوں پر  سی سی ٹی وی  کیمروں کو نصب کیا گیا ہے، سیکورٹی  کے لئے  پولیس کے ساتھ  رینجرز اہلکار  پولنگ سٹیشن  کی حدود کے باہر موجود ہونگے.

صبح 8 بجے شروع ہونے والی پولنگ بغیر کسی وقفے کے شام 5 بجے تک جاری رہے گی، جبکہ میڈیا پولنگ ختم ہونے کے ایک گھنٹہ بعد غیر حتمی غیر سرکاری نتجیہ نشر کرسکتا ہے۔

الیکشن کمیشن  انتخابات  کی موثر نگرانی کے لئے سیکرٹریٹ میں کمپلینٹ سنٹر قائم کر دیا،انتخابات کے حوالے سے کسی قسم کی شکایات 051-9204402 اور 9204403 پر درج کروائی جاسکتی ہے۔