شمالی کوریا کا کروز میزائل کا کامیاب تجربہ

برطانوی نشریاتی ادارے کے مطابق رواں سال شمالی کوریا نے جدید ٹیکنالوجی سے بھرپور کروز میزائل بنایا تھا جس کا گزشتہ ہفتے کامیاب تجربہ کرلیا گیا ہے ۔

رپورٹ کے مطابق کروز میزائل جاپان کے بشتر علاقوں کو باآسانی نشانہ بنانے کی صلاحیت رکھتا ہے ۔ کورین  نیوز ایجنسی ( کے این اے کی رپورٹ کے مطابق گزشتہ ہفتے کروز میزائل کاکامیاب تجربہ کیا گیا جو اپنے ہدف پر 1500 کلومیٹر  کے فاصلے تک نشانہ بنا سکتا ہے ۔

کے این اے کا کہنا تھا کہ میزائل کا تجربہ مستقبل میں ہماری ریاست کی سلامتی اور دشمن قوتوں کے فوجی ہتھکنڈوں پر مضبوطی سے قابو پانے کے لیے ایک موثر ہتھیار ثآبت ہوگا ۔

خبررساں ایجنسی کے مطابق جاپان کے چیف کابینہ  سیکریٹری کا تسوبوبو کاتو کا کہنا ہے کہ کروز میزائل کے کامیاب تجربے سے ان کی حکومت فکرمند ہے جس کے لیے وہ امریکہ کے ساتھ مل کر کام کررہے ہیں ۔