وزیر اعظم عمران خان نے  وفاقی کابینہ کا اجلاس کل  طلب کرلیا

ذرائع کے مطابق کابینہ کل ارکان پارلیمنٹ کی تنخواہوں میں 10 فیصد اضافے کی سمری پر غور کرےگی،ہیوی کمرشل گاڑیوں پر وینڈرز کیلئےاضافی ڈیوٹی ختم کرنے کی سمری پر غورکیا جائیگا .

ذرائع کا کہنا ہے کہ20 ریگولیٹری اتھارٹیز کے چیئرمین ،ممبران کی تنخواہوں و مراعات پر رپورٹ پیش ہوگی،نادرا کے ممبران کی تقرری پر وزارت داخلہ کی سمری منظوری کےلئے پیش ہوگی۔

قائد اعظم فاؤنڈیشن ایکٹ 2021 کا ڈرافٹ کابینہ ایجنڈے میں شامل جبکہ بیورو آف امیگریشن اینڈ اوورسیز ایمپلائمنٹ میں امیگیرنٹس کے محافظ کے تقرری اور تبادلہ پر غور ہوگا۔

ایف بی آر کے ڈیٹا بنک کےہیک ہونے کے بعدآپریشنل ایمرجینسی کے نفاذ کا فیصلہ اور پینل سرچارج کی چھوٹ کی سمری کابینہ ایجنڈا میں شامل جبکہ رویت ہلال سے متعلق قانون سازی کابینہ ایجنڈا کا حصہ ہے۔

دیا میر بھاشا ڈویلپمنٹ کمپنی کے بورڈ آف ڈائریکٹرز کی تشکیل نو اورکابینہ کمیٹی نجکاری کے 10اگست کے فیصلوں میں ترمیم کے فیصلوں کی توثیق ایجنڈا میں شامل ہے۔

کابینہ کمیٹی برائے ادارہ جاتی اصلاحات کے فیصلوں کی توثیق ایجنڈااورای سی سی کے 9 ستمبر کے فیصلوں کی توثیق کابینہ ایجنڈا میں شامل ہے۔