فیک نیوز کے حوالے سے قانون لارہے ہیں :فواد چوہدری

جی این این کے پروگرام "خبر ہے" میں گفتگو کرتے ہوئے وفاقی وزیراطلاعات کا کہنا تھا کہ 7 قوانین ہیں جو میڈیا اتھارٹی  کو دیکھتے ہیں ،صحافی برادری کو پی ایم ڈی اے پر اعتراض ہے تو کوئی تجویز دے۔

فواد چودھری کا کہنا تھا کہ کئی ممالک میں پی ایم ڈی اے جیسا قانون نافذ ہے،جعلی خبریں صرف پاکستان نہیں دنیا کا مسئلہ ہے،جعلی خبروں کی روک تھام کے لیے اقدامات کرنا ہوں گے۔

ان کا کہنا تھا کہ فیک نیوز کے حوالے سے قانون میں ترمیم کی جارہی ہے،تحریک انصاف نے ہمیشہ میڈیا کا ساتھ دیا ہے، صحافیوں کو وہ سہولیات دینے جارہے ہیں جس کی کسی دور میں مثال  نہیں ملے گی۔

وفاقی وزیراطلاعات کا کہنا تھا کہ جو بھی قوانین اب بنائے جا رہے یہ سب کےسامنے لائے جا رہے ہیں،میڈیا قانون کا مسودہ خفیہ نہیں رکھا جا رہا ،قانون کامقصدمیڈیا کی آزادی ہے اور ہم صحافتی اقدار کا تحفظ یقینی بنا رہے ہیں۔

ان کا مزید کہنا تھا کہ صحافی برادری فریم ورک کو سمجھے اور تجاویز دے،فریم ورک دیا اس قسم کے قوانین دوسرے ممالک میں ہیں،صحافی برادری بتائے جعلی خبروں سے کس طرح نمٹا جائے۔