پاکستان
وزیر اعظم کی سربراہی میں وفاقی کابینہ کا اجلاس آج ہوگا
اسلام آباد : وزیر اعظم عمران خان کی سربراہی میں وفاقی کابینہ کا اہم اجلاس آج ہوگا ۔ اجلاس میں 14 نکاتی ایجنڈے پر غور کیا جائے گا ۔
ذرائع کے مطابق وزیر اعظم عمران خان کی صدارت میں ہونیوالے اجلاس میں وفاقی کابینہ ارکان پارلیمنٹ کی تنخواہوں میں 10 فیصد اضافہ کی سمری پر غور کرے گی ۔ کابینہ ہیوی کمرشل گاڑیوں پر وینڈرز کےلئے اضافی ڈیوٹی ختم کرنے کی سمری پربھی غور کیا جائے گا ۔ کابینہ میں 20 ریگولیٹری اتھارٹیز کے چیرمین اور ممبران کی تنخواہوں اور مراعات پر رپورٹ پیش ہوگی جبکہ نادرا کے ممبران کی تقرری پر وزارت داخلہ کی سمری منظوری کےلئے پیش ہوگی ۔
ذرائع کے مطابق قائد اعظم فاؤنڈیشن ایکٹ 2021 کا ڈرافٹ بھی کابینہ ایجنڈے میں شامل ہے جبکہ بیورو آف امیگریشن اینڈ اورسیز ایمپلائمنٹ میں امیگیرنٹس کے محافظ کے تقرری اور تبادلہ پر غور ہوگا۔
ایف بی آر کے ڈیٹا بنک کےہیک ہونے کے بعدآپریشنل ایمرجنسی کے نفاذ کا فیصلہ اور پینل سرچارج کی چھوٹ کی سمری بھی کابینہ ایجنڈا میں شامل ہے ۔رویت ہلال سے متعلق قانون سازی ، دیا میر بھاشا ڈیولپمنٹ کمپنی کے بورڈ آف ڈائریکٹرز کی تشکیل نو کو بھی کابینہ اجلاس کا حصہ بنایا گیا ہے ۔
کابینہ کمیٹی نجکاری کے دس اگست کے فیصلوں میں ترمیم سمیت کابینہ کمیٹی برائے ادارہ جاتی اصلاحات کے فیصلوں کی توثیق کرے گی ،ای سی سی کے 9 ستمبر کے فیصلوں کی توثیق کابینہ ایجنڈا میں شامل ہے ۔ ذرائع کے مطابق کابینہ کمیٹی برائے قانون سازی مقدمات کی اورسیز پاکستانیز سے متعلق سمری منظوری کے لئے پیش ہوگی ۔
جرم
بھارتی فوج کی جارحیت جاری ، فائرنگ سے کشمیری جوان شہید
تفصیلات کے مطابق تازہ کارروائیوں میں بھارتی فوج نے ایک نہتے کشمیری نوجوان کو شہیداور دو کو گرفتار کرلیا ہے
کشمیر : بھارت کے غیر قانونی زیر قبضہ جموں و کشمیر کے اضلاع سامبا اور بانڈی پورہ میں بھارتی فوج نے ریاستی دہشت گردی کی انتہا کردی ۔
تفصیلات کے مطابق تازہ کارروائیوں میں بھارتی فوج نے ایک نہتے کشمیری نوجوان کو شہیداور دو کو گرفتار کرلیا ہے۔
نوجوان کو ضلع سامبا کے قریب فوجی کارروائی کے دوران بھارت کی بارڈر سکیورٹی فورسز نے شہید کیا۔
ادھر شمالی کشمیر کے ضلع بانڈی پورہ کے علاقے آراگام میں بھارتی پولیس نے تلاشی اور حراست کی کارروائی کے کے دوران دو نوجوانوں کو گرفتار کرلیا۔
واضح رہے کہ علاقے میں شہریوں کی ہلاکتوں کے خلاف لوگوں میں پائےجانے والے غم و غصے اور اپوزیشن جماعتوں کے احتجاج اور حکومت کو اس معاملے پرآڑے ہاتھوں لینے پر بھارتی حکام نے پونچھ اور راجوری اضلاع میں موبائل انٹرنیٹ سروسز معطل کردی ۔
دنیا
غزہ جنگ بندی نا کرنے پر ترکیہ نے اسرائیل سے سفارتی تعلقات ختم کردیے
ذرائع کے مطابق ابھی تک ترکیہ نے اسرائیل سے تجارتی تعلقات منقطع کرنے کا اب تک سرکاری طور پر اعلان نہیں کیا ہے
فلسطین میں جنگ بندی نہ کرنے پر ترکیہ نے اسرائیل سے اپنے تمام تجارتی تعلقات منقطع کر دیے ہیں۔
امریکی نشریاتی ادارے بلومبرگ کے مطابق ترک ذرائع کا کہنا ہے کہ ترکیہ نے اسرائیل سے ہر قسم کی درآمدات اور برآمدات پر پابندی لگادی ہے تاہم ترکیہ نے ابتک سرکاری طور پر اس کا اعلان نہیں کیا۔
واضح رہے کہ گزشتہ ماہ ترکیہ نے غزہ میں جنگ بندی کے اعلان تک اسرائیل کو بعض مصنوعات برآمد کرنے پر پابندی عائد کردی تھی۔
ذرائع کے مطابق ابھی تک ترکیہ نے اسرائیل سے تجارتی تعلقات منقطع کرنے کا اب تک سرکاری طور پر اعلان نہیں کیا ہے۔
علاقائی
نگراں حکومت کی غلطیوں کی سزا کسانوں کو مل رہی ہے، ڈاکٹر یاسمین راشد
یہ کونسی جمہوریت ہے جہاں احتجاج کی اجازت نہیں ہے، رہنما پی ٹی آئی
رہنما پی ٹی آئی اور سابق صوبائی وزیر صحت ڈاکٹریاسمین راشد کاکہنا ہے کہ نگراں حکومت کی غلطیوں کی سزا کسانوں کو مل رہی ہے۔
انسداد دہشت گردی عدالت میں پیشی پر میڈیا سے غیر رسمی گفتگو کرتے ہوئے ڈاکٹر یاسمین راشد نے کہا کہ گندم بحران کے معاملے کی انکوائری ہونی چاہیے تاکہ معلوم ہو کہ غلطی کس کی ہے۔
پی ٹی آئی رہنما نے مزید کہا کہ کسان آج آدھی قیمت پر گندم فروخت کرنے پر مجبور ہے۔ کسان کی حالت زار کی مذمت کرتے ہیں۔ یہ کونسی جمہوریت ہے جہاں احتجاج کی اجازت نہیں ہے۔
ڈاکٹریاسمین راشد کاکہنا تھا کہ اپنے حق کیلئے احتجاج کرنے والے کسانوں پرپولیس کی جانب سے ظلم ڈھایا جا رہا ہے۔
-
کھیل 2 دن پہلے
بھارت نے ٹی 20 ورلڈ کپ 2024 کےلئے 15 رکنی اسکواڈ کا اعلان کر دیا
-
تجارت 2 دن پہلے
یکم مئی سے پٹرولیم مصنوعات کی قیمتوں میں کمی کا امکان
-
ٹیکنالوجی 17 گھنٹے پہلے
مصنوعی ذہانت سے آئندہ 3 سالوں میں سعودی عرب میں 17 فیصد روزگار متاثرہونے کا اندیشہ
-
پاکستان ایک دن پہلے
حکومت کا شیر افضل مروت کو چیئرمین پی اے سی نامزد کرنے پر تحفظات کا اظہار
-
پاکستان 2 دن پہلے
پی ٹی آئی کے سوا کسی پارٹی نے آئین کے مطابق انٹرا پارٹی الیکشن نہیں کروائے، بیرسٹر گوہر
-
تجارت 7 گھنٹے پہلے
ڈالرکی قیمت میں مزید کمی ، پاکستانی روپیہ مستحکم
-
پاکستان 11 گھنٹے پہلے
آصف علی زرداری پاکستان پیپلز پارٹی پارلیمنٹرین کی صدارت سےمستعفی
-
تجارت 2 دن پہلے
ایل پی جی کی قیمتوں میں کمی، اوگرا نے نوٹیفکیشن جاری کر دیا