ملک میں جلد فائیو جی کا آغاز کردیں گے : فواد چوہدری 

وفاقی وزیراطلاعات ونشریات  فوادچوہدری نےاسلام آباد میں کابینہ اجلاس کے بعد   پریس کانفرنس کرتے ہوئے  کہا ہے  کہ پاکستان میں اگلےسال تک  فائیوجی ٹیکنالوجی کا آغاز کردیں گے۔ انہوں نے کہاکہ ارکان پارلیمنٹ کی تنخواہوں میں  10فیصداضافے کی سمری مسترد کر دی گئی ہے، ارکان پارلیمنٹ کو10فیصد ایڈہاک الاؤنس نہیں ملےگا ۔وفاقی وزیر نے  کہا کہ  تنخواہوں میں اضافہ نہ کرنےکافیصلہ کفایت شعاری مہم کاحصہ ہے۔ 

پاکستان سے برطانیہ جانے والوں کیلئے خوشخبری آگئی

وفاقی وزیر اطلاعات فواد چوہدری کا کہنا ہے کہ 14 اگست کو ایف بی آر کی ویب سائٹ کی ہیکنگ کی تحقیقات مکمل کرلی گئی ہیں جس میں انکشاف ہوا ہے کہ زیادہ تر ایف بی آر کا ڈیٹا محفوظ رہا ہے۔ان کا کہنا تھا کہ حکومت ایک ڈیٹا پروٹیکشن کمپنی کی خدمات حاصل کر رہی ہے جو ایف بی آر کے ڈیٹا کی سیکیورٹی کو بہتر بنائیں گے۔

فواد چوہدری نے  مزید بتایا کہ انفارمیشن ٹیکنالوجی کے وزیر امین الحق نے کابینہ کو بتایا ہے کہ رواں سال پاکستان کی ویب سائٹس پر دس لاکھ سائبر حملے ہوئے ہیں جبکہ اس سے قبل بین الاقوامی اخبار نے رپورٹ کیا تھا کہ بھارت نے اسرائیلی کمپنی کے ساتھ مل کر پاکستان کے اہم موبائل فونز کے واٹس ایپ اکاؤنٹ ہیک کرنے کی کوشش کی تھی۔

وفاقی وزیر نے فوجداری نظام میں اصلاحات کے حوالے سے بات کرتے  ہوئے کہا کہ اس حوالے سے وزارت قانون کی جانب سے اجلاس میں تفصیلی بریفنگ دی گئی ہے جس میں بتایا گیا کہ کرمنل اصلاحات آئندہ دو سالوں میں بہت اہم حیثیت رکھیں گی۔اس میں ٹرائلز میں تاخیر، انصاف میں تاخیر، ایف آئی آر کے اندراج وغیرہ جیسے معاملات کا احاطہ کیا گیا ہے، اب یہ کابینہ کمیٹی برائے قانون میں اس پر بحث کیا جائے گا اور پھر اسے نافذ کردیا جائے گا۔

حکومت کا اشیائے ضروریہ پر  کیش سبسڈی دینے کا فیصلہ

وفاقی وزیراطلاعات فوادچوہدری نے کہا کہ  ٹیلی کام سیکٹر میں ترقی سے متعلق امور پر بات ہوئی ہے دوردرازعلاقوں میں مواصلاتی نظام رائج کرناوزیراعظم کاعزم ہے ۔ 

انہوں نے بتایاکہ کابینہ اجلاس میں اقتصادی رابطہ کمیٹی کے فیصلوں کی توثیق کی گئی ہے جبکہ کابینہ کمیٹی برائےنجکاری کےفیصلےمیں ترمیم کی اجازت دیدی ہے  ۔