پی سی بی کا  دورہ بنگلہ دیش کے شیڈول کا اعلان

تفصیلات  کے مطابق پاکستان کرکٹ بورڈ(پی سی بی ) نے دورہ بنگلہ دیش کے شیڈول کا اعلان کردیا ہے۔  پاکستان کرکٹ ٹیم بنگلہ دیش کا پانچ سال بعد دورہ کرے گی۔  پاکستان کے بنگلہ دیش دورہ میں تین ٹونٹی میچز اور دو ٹیسٹ میچز پر مشتمل سیریز کھیلی جائے گی۔

پی سی بی کے مطابق ٹی ٹونٹی سیریز کا آغاز 19 نومبر کو ہوگا جبکہ دوسرا میچ 20 اور تیسرا ٹی ٹونٹی میچ 21 نومبر کو ڈھاکہ میں کھیلا جائے گا،    دونوں ٹیموں کے مابین پہلا ٹیسٹ 26 نومبر کو چٹاگانگ جبکہ دوسرا میچ 4 دسمبر کو ڈھاکہ میں ہی کھیلا جائے گا۔ دونوں ٹیسٹ ورلڈ ٹیسٹ چیمپئن شپ کا حصہ ہونگے۔

چند دن قبل  نیوزی  لینڈ کرکٹ ٹیم 18 سال بعد پاکستان پہنچ  تھی،کیویز کی ٹیم  ڈھاکہ سے  چارٹرڈ فلائیٹ  بی جی 4031 کے ذریعے اسلام آباد پہنچی تھی ۔ مہمان کیوی ٹیم کی سب سے پہلے ہوٹل میں کورونا ٹیسٹنگ  کی گئی  کورونا ٹیسٹ منفی آنے پر مہمان ٹیم کو پریکٹس کرنے کی اجازت  دی گئی۔